北 京 癡 纏 殘 爆 返 港
鄧 健 泓 早 前 在 訪 問 中 說 過 「 我 冇 資 格 拍 拖 」 ， 因 為 他 不 靚 仔 又 沒 事 業 ， 但 他 卻 言 行 不 一 ， 更 專 媾 港 姐 。 鄧 健 泓 前 年 跟 99 年 港 姐 亞 軍 原 子 鏸 甩 拖 後 ， 即 火 速 掂 03 年 最 上 鏡 小 姐 得 主 李 詩 韻 ， 想 不 到 女 方 愈 玩 愈 黐 身 ， 近 日 專 程 到 北 京 陪 對 方 開 工 及 過 聖 誕 ， 溫 馨 過 後 ， 兩 人 前 晚 一 同 返 港 ， 李 詩 韻 更 一 臉 憔 悴 。
藝 人 對 戀 事 例 牌 否 認 ， 總 要 斷 正 才 會 將 關 係 浮 上 面 。 32 歲 的 鄧 健 泓 儘 管 曾 被 發 現 和 25 歲 的 無 姐 仔 李 詩 韻 食 飯 兼 逛 街 ， 但 還 是 左 推 右 推 ， 不 認 對 方 女 友 身 份 。 但 今 個 聖 誕 李 詩 韻 也 管 不 得 別 人 目 光 ， 飛 往 北 京 陪 正 在 當 地 拍 攝 內 地 電 視 劇 《 龍 鳳 呈 祥 》 的 鄧 健 泓 共 度 聖 誕 ， 經 過 拆 禮 物 的 大 日 子 後 ， 殘 到 爆 的 李 詩 韻 前 晚 終 偕 鄧 健 泓 返 抵 香 港 。
原 形 畢 露
女 方 嘴 腫 眼 圈 黑
鄧 健 泓 前 年 中 和 李 詩 韻 合 作 拍 攝 電 視 劇 《 老 婆 大 人 》 時 傳 撻 ， 同 年 尾 和 拍 拖 四 年 的 舊 愛 原 子 鏸 分 手 ， 此 後 李 詩 韻 便 做 了 他 背 後 女 人 ， 據 知 因 鄧 健 泓 有 感 當 年 公 開 與 原 子 鏸 拍 拖 後 ， 令 雙 方 飽 受 壓 力 ， 所 以 再 拍 拖 也 堅 決 收 埋 。
李 詩 韻 這 次 殺 上 北 京 ， 據 悉 她 在 人 前 毫 不 避 忌 ， 公 然 到 片 場 探 鄧 健 泓 班 兼 打 情 罵 俏 ， 至 聖 誕 過 後 ， 才 於 前 日 下 午 3 時 多 返 港 。 當 時 她 和 鄧 健 泓 現 身 北 京 機 場 ， 男 的 打 扮 隨 意 ， 女 的 則 戴 白 帽 、 圍 頸 巾 及 穿 紅 褸 ， 沒 有 化 妝 的 她 原 形 畢 露 ， 嘴 唇 腫 脹 、 現 出 熊 貓 眼 ， 樣 貌 十 分 憔 悴 ， 和 平 日 上 鏡 的 標 致 模 樣 差 天 共 地 。
其 時 兩 人 在 機 場 肩 並 肩 而 行 ， 結 他 的 鄧 健 泓 負 責 推 行 李 車 ， 進 入 禁 區 後 二 人 閃 縮 徘 徊 ， 及 後 二 人 又 躲 在 一 邊 ， 一 直 等 候 至 起 飛 前 20 分 鐘 才 登 上 港 龍 KA909 班 機 返 港 。
靠 窗 而 坐
倚 男 友 呼 呼 大 睡
現 場 所 見 ， 鄧 健 泓 和 李 詩 韻 齊 坐 經 濟 客 位 ， 女 方 靠 窗 而 坐 ， 上 機 不 久 即 累 得 靠 在 男 方 肩 膊 呼 呼 入 睡 ， 但 警 覺 性 極 高 的 鄧 健 泓 發 覺 有 記 者 同 機 ， 竟 全 程 沒 休 息 ， 挺 直 腰 板 不 斷 視 察 機 艙 。
至 晚 上 近 8 時 飛 機 降 落 赤 角 機 場 後 ， 鄧 健 泓 和 李 詩 韻 成 為 最 後 落 機 的 乘 客 ， 甫 踏 出 登 機 橋 ， 男 方 已 不 理 會 李 詩 韻 ， 只 留 意 有 否 被 拍 照 ， 表 現 十 分 避 忌 。
鄧 健 泓 和 李 詩 韻 在 行 李 輸 送 帶 取 回 行 李 時 更 驟 變 陌 路 人 ， 相 隔 至 少 10 個 身 位 ， 兩 人 各 取 行 李 後 即 分 閘 離 開 ， 實 在 此 地 無 銀 。 記 者 追 上 前 問 鄧 健 泓 從 哪 兒 返 港 ？ 他 即 晦 氣 說 ： 「 北 京 做 呀 ！ 」 再 問 他 跟 誰 開 工 ？ 他 雖 然 面 帶 笑 意 ， 但 語 氣 極 惡 劣 ： 「 薛 家 燕 ！ 去 北 京 做 咋 ！ 」 另 邊 廂 的 李 詩 韻 被 問 到 往 北 京 所 為 何 事 時 ， 面 有 難 色 說 ： 「 去 北 京 探 親 戚 。 」 但 又 說 不 出 是 哪 位 親 戚 ， 接 即 頭 耷 耷 、 滿 面 尷 尬 快 步 離 開 。
昨 日 本 報 記 者 致 電 薛 家 燕 ， 問 她 在 北 京 拍 劇 時 有 否 見 到 李 詩 韻 探 鄧 健 泓 班 ？ 她 大 笑 一 輪 後 才 抵 死 地 說 ： 「 聖 誕 節 時 有 好 多 朋 友 上 探 班 ， 鄧 健 泓 都 好 似 有 朋 友 探 ， 係 咪 李 詩 韻 就 唔 知 ， 我 拍 戲 拍 到 矇 查 查 ， 所 以 唔 知 係 邊 個 。 」 至 於 鄧 健 泓 舊 愛 原 子 鏸 和 母 親 鄭 佩 佩 現 正 身 在 美 國 ， 故 至 截 稿 前 ， 本 報 仍 未 與 她 們 取 得 聯 絡 。
採 訪 、 攝 影 ： 娛 樂 突 發 組
蘋果日報